La vita é bella:)

11. apríl:)

Fri, 11 Apr 2008 13:05:06 GMT

Góðan daginn gott fólk. Ég veit að ég hef ekki beinlínis verið að standa mig vel í blogginu upp á síðkastið (eða...bara aldrei), en mig hefur bara hreinlega ekki langað að blogga síðastliðnar vikur, lífið hefur ekkert verið neitt alltof gott og mér ekki liðið vel. En þó hafa nokkrir ljósir punktar komið í ljós sem hafa gert heiminn mun betri en annars. Í dag ætla ég að vera jákvæð, og þá verður heimurinn fallegur:)

-Ég á afmæli í dag, klöppum fyrir því:)
-Í dag er föstudagur, sem þýðir að helgin er handan við hornið.
-Ég rústaði fyrstu lotu vorsins í the red-ant war, þeir áttu ekki einu sinni séns!
-Ég er komin með vinnu á Hólmasól í sumar.
-Kjútípæið mitt kom heim í lok mars, mikið var gott að fá hana heim!
-Ég á yndislegan kærasta sem er alltaf tilbúinn að knúsa mig:*
-Við rúlluðum upp fyrirlestrinum í sálfræði í morgun.
-Var ég búin að nefna að ég á afmæli í dag? ;)
-Fór á Greifann og í bíó með girlunum mínum um daginn, það var gaman eins og alltaf.
-Það styttist í sumarið.
-Ég fer bara í eitt lokapróf í vor.
-Ég held matarboð í kvöld.
-Frumraun mín að súkkulaðiostatertu bíður inní ísskáp eftir því að vera étin, eins gott að hún sé æt hehe.
-Fer út að borða og í leikhús á morgun.
-Ég fór í klippingu um daginn.
-Ég á “nýja” kommóðu.
-Ratatoskur á mánudag og þriðjudag.
-Ís – og videokvöld með stelpunum fljótlega
-Ég er búin að ákveða að ég ætla að vera leikskólakennari.
-Ég horfði á Sweet home Alabama í gær.
-Það eru komin 2 lömb í sveitinni.
-Er búin að fá fullt af afmælis-sms-um:)
-Ég ætla að knúsa fullt af fólki í dag:)

En oki, ég er alltof upptekin við að eiga afmæli til að hanga í tölvunni! Ef ykkur dettur fleiri jákvæðir hlutir í hug eru kommentin opin, knúsípús:*

Please don't stop the music!

Wed, 20 Feb 2008 23:31:54 GMT

Þetta blogg er sérstaklega tileinkað henni Snædísi ofurkjútípæi, en hún er sko alvöru aðdáandi, og hefur staðið sig með stakri príði að reka mig áfram með þetta blogg hehe, meira segja fór hún í fýlu og allt, tuðarinn þinn hehe;) Ég mun aldrei vera duglegur bloggari, þetta er bara mín aðferð, löng og fá blogg, deal with it. Þið eruð nú samt algjör krútt að nenna að koma hingað hehe.

Já góðan daginn góðir lesendur, með roða í kinnum verð ég víst að byrja á því að óska ykkur gleðilegra jóla og farsæls núverandi árs!!! Hehe jámm svona er maður duglegur í blogginu sko...annars eru einhverjar framkvæmdir í gangi á blogcentral, sem byrjuðu með því að þeir létu mig skipta um slóð á blogginu, finnst samt bara fínt að geta bara haft nafnið mitt. En svo eru þeir eitthvað að vesenast með letur og svona, og finnst greinilega aldrei nóg af bros-og ulluköllum, því þeir eru út um allt, mig langar til dæmis ekkert að hafa ullukall, bandstrik og ör á eftir þessu, en það kemur nú samt og alveg sama hvað ég reyni, það hverfur ekki...ljóta blogcentral...

Allavega þá voru jólin bara mjög fín, vann slatta, djammaði, kúrði, náttfataðist (sá sem fann upp náttbuxurnar á klárlega skilið nóbelinn sko...) og hafði það bara rosa gott. Fékk marga góða pakka og þakka alveg kærlega fyrir mig! Hún Hildilíuz ákvað loksins að láta sjá sig aftur á litla skerinu okkar, gaman að fá þig aftur heim krútt;) Síðan styttist í komu Snæulingsins, sakniknús , jú nó æ lov jú;)

Eftir jólin tóku við 7 ljót próf og lítill svefn, ásamt gríðarlegri félagslegri einangrun....ahhhh stelpur, sakniði ekki prófatíðanna??? Loksins losnaði ég úr prísund prófanna og við tók janúarfríið. Ég varð bara þónokkuð ánægð með prófniðurstöðurnar og ekki versnaði skapið við að fagna próflokum á Greifanum með stúlkukindunum mínum, yndislegt kvöld. Við fengum meira að segja að sjá litla krílið hennar Huldu, sem hefur reyndar stækkað töluvert, en varð bara ennþá meiri dúlla fyrir vikið.

Síðan byrjaði ný önn, og ég verð að segja að mín er bara nokkuð sátt með stundatöfluna, er alveg í fríi á miðvikudögum!!! Þannig að ég ákvað að gerast aukamanneskja í Pennanum þá daga, og byrjaði á fyrstu miðvikudagsvaktinni minni á öskudaginn sjálfan!! Ég bauð mig fram sem nammiútdeilari og hafði bara nokkuð gaman af. Ég fékk lánaðan bleika pardusarbúninginn hennar mömmu og var alveg að fíla mig hehe, ekkert smá gaman að fá að hlusta á börnin syngja. Ég tók eftir því að það er komið slatta mikið af nýjum öskudagslögum og þau gömlu eru að detta út, t.d. heyrði ég bara einu sinni Óli fór til Bertu, en mest sungna lagið var klárlega um það þegar hann Gamli Nói fór í Idolið, hann nebbla kann víst ekki að syngja og lætur Bubba bara springa...jáh, allt er til hehe.

Miðvikudaginn síðasta héldum við fjórðubekkingar í MA suður í starfs-og háskólakynningar. Ég gisti hjá Árnýju og Tryggva, í Hafnarfirði takið eftir, vesen að koma sér á milli staða! En þau voru algjört æði að hjálpa mér, skutla mér, finna strætó og svona, takk fyrir það. Á fimmtudeginum fór ég svo á kynningu á leikskólanum Hjalla, sem var mjög gaman, vona að ég fái vinnu á leikskóla í sumarJ Síðan lá leiðin á BUGL (barna-og unglingageðdeild), þar fengum við mjög góðan fyrirlestur. Um kvöldið lærðum við Anna Stella litla frænka saman og svo kenndi hún mér að teikna. Ég lýg engu um það þegar ég segi að þetta 7 ára skott teiknar mun betur en ég hehe. Á föstudeginum fórum við síðan á Barnaheill og að lokum á Nakta Apann, mjög spes þar, fengum að sjá hvernig fötin eru þrykkt og svona. Svo var náttla kíkkað smá í Kringluna. Um kvöldið var síðan stefnan tekin á djammið. Við Addi byrjuðum kvöldið á því að taka okkur til og fara svo út í hellirigninguna til að fá okkur að borða. Vegna veðurs stukkum við inná fyrsta veitingarstaðinn sem við sáum, sem reyndist síðan vera mjög rómantískur og fancy, mjög spes hehe. Fínt kvöld og gaman að borða með honum Adda mínum, en augngoturnar sem við fengum voru ófáar hehehe. Eftir mat og slúður hittum við Svövu og átti að taka Reykjavíkurdjammið með trompi! Það hefði sko sannarlega tekist hefði miðbærinn ekki þegar vitað af komu okkar, við reyndum að læðast, en það tókst ekki. Miðbærinn fattaði um leið hver var á ferð og mótmælti harðlega! Fyrst kom úrhellisrigningin, en við héldum þó rennblaut og ótrauð áfram, engin rigning gat stoppað norðlenska víkinga eins og okkur! Miðbærinn sá að það duguðu engin vettlingatök á þessa djammþyrstu Akureyringa, og greip hann því til þess ráðs að losa sig við allt rafmagn! Með því fóru öll ljós, en það versta var, öll tónlist! Eitthvað var nú farið að draga úr okkur Svövu, en Addi hélt ótrauður áfram, á hommabar skyldi haldið og hananú! Þannig að við dröttuðumst, köld, blaut og myrkfælin inná Q-bar, en þar var bara fullt fólk sem virðist harðákveðið í að skapa sína eigin tónlist þar sem ekkert kom úr hátölurunum. Því voru öll Eurovision-lögin sungin hástöfum, svo falskt að það var eiginlega bara komið í hring, bara næstum orðið fallegt aftur. Við ákváðum þó að við værum of edrú fyrir svona hljóðmengun og yfirgáfum því staðinn. Að lokum gáfumst við upp og um tvöleytið skreiddumst við með skottið á milli lappanna heim á leið, þannig fór um sjóferð þá.

Fátt er þó svo með öllu illt þar sem lítið mál var að vakna á réttum tíma daginn eftir og mæta á háskólakynningar kl 11 um morguninn. Landbúnaðarháskólinn var mjög desperate greyið og hafði því ráðið hrægamma til að reyna að draga fólk inn í skólann, en ekki féllum við fyrir því. Eftir mikinn troðning og frítt dót lá leiðin í paradísina mína, Kolaportið sjálft. Þar fann ég slatta af nýjum DVD-myndum á 300 kr og gerði því algjör kjarakaup. Eftir það matur og mætti síðan rigningarblaut í rútuna. Hef sjaldan verið jafn fegin að setjast upp í rútu, æðislegt að komast heim! Höfuðborgarsvæðið er sko alltof mikið stress fyrir mig!

Á sunnudeginum var síðan skírn hjá Nönnu, systur Nonna. Krúttið fékk nafnið Viðar Nói, mjög fallegt nafn. Athöfnin var falleg og veislan fín, góður dagur.

En já, margt annað hefur drifið á daga mína síðan í desember, en ég nenni ekki að skrifa um það allt og er viss um að þið nennið svo sannarlega ekki að lesa það. En ef þetta var ekki nógu langt fyrir ykkur bendi ég á listann yfir gömul blogg hérna til hliðar, mikið rosalega var maður mikil gelgja hehe...

En nú fyrst ég er loksins búin að blogga fyrir ykkur, þá verðið þið að kommenta fyrir mig, hafa svona gagnkvæman samning og svona, ef þú lest, þá kvittarðu, alveg sama hver þú ert, ok díll.

Parísar-og árshátíðarblogg

Fri, 07 Dec 2007 10:37:48 GMT

Jæja, kannski kominn tími á Parísarblogg...og þar sem ég er búin að vera svo lengi að skrifa það þá er líka kominn tími á árshátíðarblogg hehe;) Þetta blogg er búið að vera tilbúið svolítið lengi, en vegna vesens hjá BlogCentral þá hef ég ekki getað sett það inn, en ég er samt búin að bæta við það á meðan, lesa meira, múhahaha;) Og ég vil ekki heyra orð ef stærðin á myndunum er ekki rétt, þetta verður bara svona og hananú!

Fyrir þá sem ekki vita þá fór ég til Parísar 14.-18. nóvember, og hitti hana Snædísi mína:)

Ferðin byrjaði í stressi og endaði í stressi, en ekki hvað hehe...

Ekki hjálpaði til að það var verkfall bæði hjá lestum og strætóum í París, mjög spes hehe...

Miðvikudagur

Ég flaug semsagt suður á þriðjudeginum, Kristján var svo góður að redda mér fari til Keflavíkur og síðan gisti ég hjá ömmu Nonna, sem var mjög fínt:)

Ógöngurnar byrjuðu kl hálfsex á miðvikudagsmorguninn þegar leigubílinn sem átti að keyra mig út á völl kom ekki, en, það reddaðist;)

Síðan flaug ég út, gjörsamlega steinrotaðist í fluginu og heilsaði því París alveg grútmygluð. Þar beið mín bíll til að keyra mig á réttan stað, bílstjórinn vægast satt furðulegur og bílveikin ákvað að nú væri akkúrat rétti tíminn til að heimsækja mig.

Þannig að þegar á leiðarenda komið var ég bæði svefndrukkinn og bílveik, en það gleymdist fljótt þegar ég sá kjútípæið hana Snæu mína:)

Við gistum í krúttlegri íbúð sem Irene, stelpa frá Venuzuela, býr í. En við stoppuðum þó ekki lengi þar, því það var komið að því að....versla! Við fórum í risastóra verslunarmiðstöð á mörgum hæðum, ég sleppti mér aðeins í Acessorice (mottóið mitt er að maður á aldrei nóg af eyrnalokkum hehe), og keypti mér líka eitt stykki nýja úlpu:)

Eftir verslunarferðina var komið að því að enda hina löngu bið Eiffel-turnsins eftir okkur, hann var að sjálfsögðu voða glaður að sjá okkur hehe:) Samt frekar óraunverulegt að standa þarna og horfa á Eiffel-turninn, eiginlega ekki alveg hægt að lýsa því, en maður var kannski ekki alveg að átta sig að maður væri í París að horfa á eitt af frægustu mannvirkjum í heimi!

En hann var rosalega flottur, líka gaman að sjá hann í myrkri þar sem hann lýsti allur. Að sjálfsögðu fórum við upp á efstu hæðina, lofthræðslan alveg ágætlega mikil meðan á lyftuferðinni stóð, en ég ákvað að einbeita mér bara að skónum hennar Snæu og komst heil upp. Útsýnið var svakalegt og að sjálfsögðu var myndavélin sammálaJ

Um kvöldið kom síðan Zac og var með okkur restina af ferðinni.

Séð úr Eiffel turninum

Fimmtudagur

Dagurinn byrjaði á því að fara í Notre Dame, hún skoðuð og mynduð og voða fín. Við Snæa ákváðum að vera alveg ekta túristar eins og myndin sýnir. Hér erum við að kíkja út úr turndyrunum.

Eftir kirkjuheimsóknina fórum við á ítalskan veitingarstað, sem var náttla bara mjög gott. Síðan tók við labb á hið eina og sanna Luovre, en það gekk ekki upp þar sem starfsmennirnir ákváðu að loka fyrr til að styðja verkfallið. Þannig að við fórum að gráta og fórum aftur heim til Íslands, the end...hmm ég held að ég komi með svona brandara í hverju einasta ferðabloggi, ætti ég að hætta því?

Nei ok, við ákváðum að láta þetta ekki á okkur fá og fórum bara í göngutúr um aðalverslunargötuna í París sem var mjög næs, kalt, en næs:)

Föstudagur

Disneyland! Þarf að segja meira? Ok kannski smá meira, dagurinn byrjaði allavega spes, vegna verkfallsins tók alveg óratíma og mikið vesen að komast á staðinn. En við ákváðum að brosa nú bara samt, og það var alveg hárrétt ákvörðun, dagurinn var bara æðislegur í alla staði!:) Við sáum tvær skrúðgöngur, aðra um daginn og hina um kvöldið, fullt af ljósum og rosalega flott! Staðurinn var nú alveg þokkalega stór þannig að allir gátu fundið eitthvað við sitt hæfi, ég og Irene skemmtum okkur til dæmis alveg konunglega í rólegu Aladdin tæki en Snædís og Zac eru rússíbanatýpurnar, og plötuðu mig til að fara í einn með því að segja að þetta væri bara rólegt Nemo-tæki. Vonda fólk, hef ekki ennþá jafnað mig fullkomlega hehe....

Eftir daginn fórum við út að borða á stað sem heitir Rainforest Café þar sem gróður og slöngur héngu niður úr loftinu, töff staður:)

Við í Aladdin tækinu

Um nóttina fékk ég þá snilldarhugmynd að verða lasin, hef sjaldan fengið betri hugmynd sko, er meira að segja ennþá smá lasin, snilld!

Laugardagur

Síðasti dagurinn, ákveðið var að taka þeim degi bara svona þokkalega rólega. Um hádegi héldum við á Luovre sem er einn pínulítill pýramýdi og ekkert meira...eða...bíddu nei...það er huge, ég fattaði aldrei kortið og endaði bara með því að elta forrystusauðinn minn hana Snædísi hehe;)

En já ég mæli ekki með því að labba um Louvre með hita, en það var nú samt þess virði, sá Monu Lisu (já hún var lítil, samt ekki eins mikið og maður hélt) og fullt af öðru listadóti.

Eiffel-turninn

Síðan var bara farið heim og pakkað og út að borða um kvöldið. Myndir voru teknar og gullmolar eins og: “People that play with fire have sex problems” (og samt hélt hann áfram með eldinn hehe) litu dagsins ljós, og við uppgötvuðum líka að Parísarhjól heitir nú bara ekkert upprunalega Parísarhljól, heldur Ferrishweel hehe...skondið.

Þökk sé verkfallinu tók síðan við mikið stresskast, eiginlega bara að minni hálfu, ég nebbla tók kvótann hennar Snædísar líka, hún ekkert stressuð, ég tvöfalt stressuð, hehe og pirringurinn eftir því. Stressið fólst í því að það gengu engar lestir og engir strætóar á flugvöllinn, og engin leigubílastöð svaraði í símann! Við þurftum að leggja af stað út á flugvöll kl 6 um morguninn, og kl 2 ákváðum við að gefast upp á því að hringja í leigubíl og fara í stað þess út kl 5 um morguninn að reyna að veiða einn slíkan. Þannig að kl 5 um morguninn fóru 2 ljóshærðar snótir á leigubílaveiðar í miðborg Parísar, get alveg sagt ykkur að mér hefur liðið betur sko. En það tókst, og við komumst alltof snemma út á flugvöll hehe. Í taxanum kvaddi ég síðan hana Snædísi mína þar sem við vorum ekki að fara í sama terminal. Það var frekar erfitt skal ég segja ykkur, en samt betra að sjá hana svona stutt heldur en ekki neitt, æðisleg ferð!!! Takk kærlega fyrir að sannfæra mig um að koma;)

Heimferðin var síðan löng, millilending í Frankufurt, bíða þar, flug til Parísar, bíða þar, flug heim, flugrúta á Reykjavíkurflugvöll, bíða þar. En eftir langa bið komst ég þó heim, sem var líka mjög gottJ Ég gat þó skemmt mér við eitt á leiðinni, og það var að hlægja að þessari aðvörun sem stóð á check-inn borði í Franfurt: “Do not carry dangerous goods in your baggage or on your person”! Hehe ok, ég skal muna það, ekki vera með neitt sem ég má ekki vera með á manneskjunni minni hehehe.

Síðan byrjaði bara aftur skóli á fullu, brjálað að gera mar. Svo varð hann Nonni minn stór 21 árs gamall strákur, ossa duglegur að stækka svona hehe. Fórum út að borða á Greifann, mjög næs kvöldJ

Síðasta föstudag var síðan Árshátíð MA. Mikið stress fór í að finna sér búning, en það hafðist á endanum og vorum við Svava mjög sáttar þegar við pússluðum saman tveimur búningum, báðar voða sætar og fínar:) Borðhaldið var mjög fínt og atriðin flott. Ræðan hans Flosa Ólafssonar (heiðursgestur) var alveg stórkostleg og salurinn svoleiðis veltist um af hlátri! Skaupið var líka fyndið og ræðan hans Villa einnig mjög góð. DansMA rústaði PriMA í battlinu svo um munaði og önnur atriði voru líka mjög góð. Maturinn góður að vanda.
Síðan fór ég í nokkrar myndatökur, crewið komst allt saman og vonandi koma fínar myndir úr því, síðan ætluðum við Bókvalscrewið líka en enginn fannst Villi, en við Ásta ákváðum nú að fara samt:) Síðan kom Nonni á ballið og að sjálfsögðu fórum við líka í myndatöku. Ballið var ágætt nema ég var kannski ekki alveg að fíla Gusgus í botn, og þeir spiluðu líka soldið stutt. En kvöldið var í heildina mjög gott, til hamingju með vel heppnaða árshátíð Villi og co! :)

Síðan bara alveg að koma jól mar, nóg að gera:) Vinnutörn alveg að byrja, síðan er leikhús í kvöld og aðventutónleikar á morgun. Um daginn var kaffihúsakvöld hjá okkur Pjattpíkunum eftir, alltof langt á milli hittinga hjá okkur girlur. Og ekki nóg djamm, verðum sko að bæta það upp á jólunum! Í kvöld verður síðan hittingur hjá crewinu heima hjá Svövu, video og kósý:)

Hér eru síðan tvær myndir af árshátíðinni:)

Svava, ég og Auður.

Ég og Nonni :*(ekki sú besta, en sú eina sem síðan ákvað að taka við hehe)

Ok, orðið bara nokkuð gott blogg held ég, og fyrir það á ég skilið komment finnst mér sko, en það sem í raun skiptir máli er þetta: Hvað finnst þér? ;)

Vonda Blogcentral!

Mon, 03 Dec 2007 18:49:17 GMT

Parísar-og árshátíðarbloggið er tilbúið, BlogCentral er hins vegar með leiðindi og leyfir mér ekki að skreyta bloggið með myndum! Ég nenni ekki að eyða enn fleiri klukkutímum í þetta, reyni aftur á eftir, ef ekki tekst þá, þá kemur bara myndalaust blogg inn á morgun.

Kv. Eva Dís sem þykir alltof vænt um þetta blogg til að skipta, en er nú samt helv ósátt við BlogCentral!!!

From Paris to Berlin

Mon, 12 Nov 2007 13:55:57 GMT

Jamm ég held að maður verði nú að blogga aðeins áður en maður fer út, já út sagði ég, París nálgast óðfluga (ætli það sé góð fluga?), á þriðjudaginn held ég til Reykjavíkur og svo á miðvikudaginn er það bara bæbæ Ísland, yeah! ;) Já henni Snædísi tókst að sannfæra mig um hversu sniðugt þetta væri, ég hef reyndar engan tíma fyrir þetta, en við skulum bara segja að hann sé afstæður. Stressið og ferðatöskupakkið og “þaðersvomikiðaðgera” er að fara með mig, ég er að pæla í að finna einhvern sem hefur nógan tíma og stela svona ca 4 tímum af hans tíma, það tekur örugglega enginn eftir því, gott plan. Annars bara get ég ekki beðið, knúsa París, knúsa Snæu, knúsa Eiffelturninn (hef heyrt að hann vanti smá ástúð og hlýju greyið ) og alla þá sem þurfa á knúsi að halda, nema kannski löggurnar, held að það yrði kannski ekkert alltof vinsælt...

Fullt búið að gerast síðan síðast, óvissuferðin var farin, byrjaði með ratleik út um bæinn og leiki inn í búð, veit ekki hvað fólk hefur haldið ef það hefur horft inn um gluggann á Pennanum um 5 leytið þann dag, búðin læst en samt allt uppljómað og fullt af fólki fast saman að hlaupa um með innkaupakerrur og keppast við að verða fyrstir til að finna hlutina, mjög spes skal ég segja ykkur. Eftir það var borðað í Sveinbjarnargerði, flugeldasýning og læti, voða gaman.

Þessa sömu helgi var síðan ljósmyndanámskeiðið, sem var mjög skemmtilegt, en mér leið nú samt svona pínu skringilega sko, mætti galvösk og stolt með 40.000 króna litlu sætu gæða-sony myndavélina þeirra mömmu og pabba, en upplifði mig eins og í atriðinu í Legally blonde þar sem hún mætir með bleika skrifblokk og bleikan loðinn penna, og allir hinir draga upp svartar fartölvur. Allir hinir voru með svartar, stórar linsuvélar, allar yfir 100.000 krónum. Spes. Það var semsagt stór partur af námskeiðinu þar sem farið var í stillingar sem ekki einu sinni voru á minni vél, en þetta var samt mjög gaman og ég lærði alveg slatta, hann Pálmi frændi er nú bara algjör snillingur að hafa boðið mér þetta;)

Um daginn fór ég síðan í morgunverðarboð ásamt Svövu, Kötlu og Systu heim til Adda sem var mjög gott og hressandi. Kannski of stutt samt, kostaði okkur eitt skróp (sem við reyndar fengum ekki hehe) verðum að endurtaka þetta þegar það er meiri tími og ekkert skróp gott fólk;)

Á laugardaginn lauk hinni löngu leit að arftaka Plútós, hann hefur ekki fengið nafn ennþá, leitin stendur yfir og ég hef þegar fengið nokkrar ábendingar. En já nýja barnið mitt er semsagt ’98 módel af Golf, hann er grár og stundum svolítill prakkari. Til dæmis setur hann rúðuþurrkurnar í gang þegar honum sýnist, þannig að þið munuð líklega sjá mig keyra um í glampasólskini með rúðuþurrkurnar á fullu, eða svona þangað til búið er að lækna hann af þessari þráhyggju. Hann er pínu ryðgaður, en pabbi og Nonni ætla að vera svo góðir að vinna í því að laga það. Mamma stakk upp á að skíra hann Rusticus út af ryðinu, og yrði hann þá kallaður Rústi. Helga stakk upp á Deltu. Mér finnst Moli líka krúttlegt. Hvað finnst ykkur? Svo þarf ég náttla að baða hann og svona, þannig að eftir smá vinnu verður hann alveg rosa fínn:) Set inn mynd af honum þegar það er búið.

Við fórum suður á föstudeginum til að sækja hann og komum aftur á laugardeginum. Við Nonni fengum semsagt far með pabba suður, hann fór á tónleika en við Nonni ákváðum að fara nú bara snemma að sofa, gistum í Keflavík hjá ömmu hans. Hulda og Gísli keyrðu okkur síðan þangað, takk fyrir það. Síðan kom stóra stundin, á laugardaginn hitti ég svo nýja bílinn minn. Ég keyrði hann smá norður en Nonni samt mestan partinn. Ég held að ég hefði ekki getað fundið mér þolinmóðari kall, hann tók bílhræðslunni minni og öllu veseninu mínu og flækjunum með ótrúlegri ró, vá hvað ég hefði verið búin að sleppa mér sko hehe, en allavega, takk fyrir að vera svona þolinmóður bílakennari;) Alveg fínasta sólarhringsferð, gerðum eiginlega ekki neitt merkilegt en samt mjög næs og kósí að fá svona sólarhring saman:) En já, takk báðir kallarnir mínir fyrir að standa í þessu bílaveseni með mér, og já líka mamma sem tók nú alveg þátt í þessu þótt hún væri heima, án ykkar væri ég ennþá bíllaus hehe;)

Um leið og heim var komið að sunnan ákvað ég að skella mér í Sjallann, sem var kannski ekkert alltof sniðugt miðað við þreytuna mína, en maður beilar nú ekki á Palladjammi. Við Íris fórum saman og það var mjög gaman á meðan á því stóð, kannski soldið stutt djamm en samt alveg fínt. Ég var nú líka svona VIP sko þannig að ég fékk frían miða, sem var náttla bara snilld:)

Hef held ég ekkert meira að segja í bili, lofa síðan ferðabloggi eftir París, og myndum af nafnlausa bílnum mínum þegar hann er kominn í gott stand;)

Pant komment!

Paris...here I come!!!

Segð'ekki nei, segðu kannski kannski kannski...

Wed, 24 Oct 2007 00:54:58 GMT

Fékk hótunarbréf í dag, sem sagði að ég yrði að byrja að taka allar ákvarðanir alveg sjálf ef ég færi ekki að blogga, svo í dag blogga ég...en ég skrópaði á námskeiðið sem kennir stutt bloggskrif...

Allt og ekkert búið að gerast, er í 22 einingum, vinnu, sambandi, fjölskyldu, lífi, veseni, ákvörðunum, almennum busyleika....úff....lífið er svo erfitt....ætli það sé líka þannig í París?

En já man reyndar ekkert mikið hvað er búið að gerast síðan ég bloggaði síðast, komin ágætis rútína á lífið, allt í einu er ég orðin svakalega upptekin manneskja, áður hafði ég of lítið að gera, nú of mikið...ætli maður sé einhvern tímann alveg ánægður? Kannski í París... En já fyrir utan það að kennarnir gleymdu að flest annað fólk en þeir eiga sér líf og það séu í alvörunni bara 24 tímar í sólarhringnum (ég veit, shocking news) og að það sé í alvöru hægt að fá nóg af hópverkefnum, þá er lífið bara alveg ágætt.

Stelpurnar eru ennþá úti, nema Hrefna er komin heim...og já Hildur flýtti sinni heimkomu og kemur aftur í desember, þá verður nú gaman:) Snædís ætlar að vera lengur í burtu, hvað ætli ég hafi gert henni sem varð til þess að hún flúði land í 6 mánuði hmm...En við restin af Pjattpíkunum höfum nú ekki mikið brasað saman, en þó eitthvað. Við Íris héldum vídeokvöld og annað djammkvöld, videokvöldið var betra. En hey Íris, við allavega fórum á djammið í staðinn fyrir að hanga heima;) Síðan má ekki gleyma því að nýjasti Pjattpíkumeðlimurinn fékk nafn um daginn, hún heitir Arna Karen Gísladóttir, falleg skírn og fallegt barn:) Síðan átti Hrefna afmæli og kom heim, og ákváðum við að þótt stelpurnar hefðu dizzað okkur fyrir heiminn þá myndum við sko ekki dizza afmælishefðina, og fórum því á Greifann, sem var mjög gott að vanda. Ætli það sé gott út í París?

Svo tókst okkur fyrrverandi (sorglegt orð, fyrrverandi) bekkjarcrewinu að troða inn bæði kaffihúsakvöldi og video/drykkjukvöldi um daginn, allir komu á kaffihúsið, meira að segja Bogga mamman og Ester. Ekki eins margir komust á videokvöldið, þar sem snilldin Rocky Horror var í tækinu, einhverra hluta vegna man ég ekki eftir að hafa horft á endinn hehe...en vá gaman var þetta maður, ég segi bara aftur, aftur og meira (nema ekki meira opal fyrir Svövu hehe) :P

Síðan var tekinn einn ísrúntur með Ástu og Villa um daginn, var komin með svo mikil fráhvarfseinkenni frá þeim að þau þorðu ekki annað en að koma, mikið slúðrað og spjallað, alltaf gaman að því;)

Síðan var bekkjarpartý um daginn, sem var fínt, við Svava erum reyndar ekkert alveg að komast inn í þennan bekk, en það þýðir ekkert annað en að vera jákvæður, skólaleiðinn er að veikja mig, en hann fær mig allavega ekki að drepa og hananú!

Restin af kvöldunum mínum hefur farið í Nonnakúr...sem er náttla bara namminammigott...;*

Í síðustu viku dó hann Plútó minn....

Ég var semsagt að keyra hann niður Borgarbrautina á því sem virtist vera blaut gata, en var víst hálka, náði ekki aflöngu beygjunni þegar ég reyndi að bremsa og rann á bílinn á móti. Það var ung stelpa með ca eins og hálfs árs gamalt barn í hinum bílnum, ég fékk algjört sjokk því þrátt fyrir litla ferð á báðum bílunum var höggið mikið. Bílarnir skemmdust mikið, borgar sig ekki að gera við minn því hann var of ódýr til að vera í kaskó. En það var allt í lagi með alla, litla guttanum fannst þetta bara rosalega gaman og vildi meira, og ennþá meira spennandi að fara löggubílinn. Sem betur fer komu allir heilir útúr þessu, það eina sem gerðist var að ég marðist illa á hnéi, veit ekki hvað ég hefði gert hefði ég slasað einhvern aftur. Áfallið sem ég fékk við þetta var hins vegar mjög mikið, enda komst ég að því að ég er víst engan veginn komin yfir hitt slysið þótt tvö ár séu síðan. Mér leið líka illa yfir að hafa valdið öðrum árekstri, reyndar mér til varnar var ég samt á löglegum hraða og fjórði áreksturinn á hálftíma, hálkan bara hreinlega sást ekki, það þurfti að færa löggubílinn úr stað í götunni því það var slatti af bílum sem næstum því keyrðu á okkur meðan við vorum í honum. En það breytir því ekki að þetta er alltaf ömurlegt, ég keyrði á bíl með 2 manneskjum í, og ofan á það er það líka bara vandræðalegt.

Seinna, þegar það var loksins farið að sýjast inn í hausinn á mér að það hefði nú enginn slasast, þá fattaði ég hvað hann Plútó minn hafði mikið tilfinningalegt gildi fyrir mig, hann var ekki bara ljótur grænn Skodi, hann var minn, Plútó....en...life goes on....hef ákveðið að velta mér ekki meira uppúr þessu, ég finn mér bara annan bíl, en kaskó hefði samt verið skemmtilegt...Allavega vildi ég bara setja þetta hérna inn því það vissu ekki margir af þessu þar sem mér leið illa að tala um þetta, en það fór nú aldrei lítið fyrir honum græna mínum, þannig að ég ákvað að þeir sem þegar vissu þetta ekki fengju frekar að vita þetta hér en út í bæ, það voru bara bílar sem meiddust, ekki ég né neinn annar...

En ok þá er ég búin að koma því frá, vissi ekki alveg hvernig ég átti að gera það, frekar langt eitthvað, en þeir sem þekkja mig vita hvernig ég er...

Skemmtilegri hlutir: :D

Um daginn fór Íris að tala um ljósmyndanámskeiðið sem hún væri að fara á (get ekki beðið eftir að sjá hvernig myndirnar hennar verða eftir það, hún tekur nú þegar góðar), og ég ákvað að skella mér bara líka, hefur alltaf langað að læra að taka góðar myndir, því það kann ég bara engan veginn, en eins og flestir vita þá er ég samt alveg dugleg með myndavélina, eiginlega bara svona plága á mannamótum hehe. Allavega þá var það Pálmi frændi sem er með námskeiðið, pabbi heyrði í honum til að tékka hvort það væri laust, og haldið ekki að kallinn hafi bara að fyrra bragði boðið mér þetta 13.000 króna námskeið alveg frítt, sem er náttúrulega alveg æðislegt af honum! Ég reyndar kemst ekki á sama tíma og Íris því það var fullt, en verður samt örugglega rosalega gaman! Sömu helgi er samt óvissuferðin í vinnunni þannig að þetta verður smá púsluspil, en alveg gerlegt samt held ég sko...

Skemmtilegasti hluturinn: (kannski)

Kannski...er að pæla...hvað á ég að gera...veit ekki...dýrt...samt gaman...stuttur tími...samt geggjað...snæa....kannski hildur...parís...hvað á ég að gera?

Þetta eru þemaorðin í dag, þegar hún Snædís mín barði það inn í hausinn minn að París 14.-18. nóvember fyrir 40.000 kall væri mjög sniðug hugmynd...og ég veit í alvöru ekki hvað ég á að gera...Ég myndi fljúga þarna út og gista með Snæu og vinkonu hennar, og kannski ætlar Hildur líka að koma, nei ég meina hún ætlar að koma er haggi...held ég sé meira á því að fara en ekki...eða hvað finnst ykkur að ég eigi að gera? Of stuttur tími fyrir of mikla peninga, eða er málið að skella sér bara? Mátt gjarnan segja mér það...ef þú hefur ekki svar máttu samt alveg kvitta fyrir þig, það er voða gaman líka;)

It was the summer of...sixt...uhh...2007;)

Wed, 26 Sep 2007 16:40:04 GMT

Jæja, nú er kominn vetur og tími til kominn að blogga “smá”...ég mun víst aldrei getað státað mig að því að vera duglegur bloggari...en...maður getur víst ekki verið góður í öllu...kannski bara gott fyrir egóið ykkar að hafa loksins fundið á mér galla hehe;)

Þetta blogg er langt, hjá því var ekki komist, en ég hef ákveðið, vegna vanþakklætis eftir síðustu sleikjógjöf, að bjóða ekki upp á sleikjó ef þið náið út í enda, þannig að ánægjan við að lesa orð mín verður bara að nægja, og já oki til að peppa ykkur smá upp, þá fáið þið verðlaun að eigin vali hehe;)

En já sumarið var viðburðaríkt, reyndar fór mest af því í vinnu og hangs með Bókvalscrewinu og voru kaffihús og ísbúðir stundaðar stíft. Best var þó háleynilega planið okkar um að kveðja hana Ástu litlu Þórðar (sem ákvað að flýja okkur klikklingana og fór til þess alla leið til Frakklands í heilt ár) en við tókum hana úr vinnunni og komum henni á Greifann án þess að hún fattaði hvað væri í gangi, hún hélt að hún og Villi væru að sækja hljóðkerfi, en í staðinn hafði verið reddað fyrir hana fríi og síðan biðum við crewið eftir henni þar og borðuðum saman, æðislegt kvöld.

Hann Nonni minn flutti suður í lok maí þannig að sumarið krafðist smá skipulagningar til að hægt væri að hittast, en það tókst þó alveg ágætlega og urðu hittingarnir alveg þónokkrir og slatta var brasað, samt langbest þegar hann flutti bara heim aftur hehe;) :*

Hin árlega Pjattpíkuútilega var að sjálfsögðu farin, að þessu sinni í Ásbyrgi og var hún að sjálfsögðu algjört æði, og alveg pottþétt ekki sú síðasta! Planið er að næsta útilega fari fram fyrstu helgina í ágúst á næsta ári í Vestmannaeyjum, verður örugglega mjög friðsælt hehe;) Síðan brösuðum við nú eitthvað meira saman, fórum saman í bústað eitt kvöld, fórum út að borða og svo voru bara svona venjulegir hittingar, sem reyndar voru ekki nógu margir að mínu mati, en góðir engu að síður. Í lok sumarsins urðu svo mikil tímamót hjá Pjattpíkunum, við Íris erum þær einu sem höldum okkar venjulegu rútínu; Hulda átti alveg æðislega sæta litla stelpu, sem enn er ekki komið nafn á einbeitir sér nú að uppeldi hennar, og Hrefna fór til Svíþjóðar, líklega að vinna á hestabúgarði. Hildur ákvað að láta hinn langþráða draum sinn um að keyra vinstra megin rætast...nú getur hún hætt að pirrast á morgnanna og þarf ekki lengur að öskra á bílstjórana um að dru***st til að keyra réttu meginn á veginum, hún hefur loksins fundið sinn innri frið í Englandi og keyrir þar um sæl og kát. Snædís ákvað að íslensk menning væri alltof heft, af hverju ættum við kvenmenn að þurfa að raka á okkur lappirnar og undir höndunum bara til að þóknast öðrum, svona erum við bara gerðar og ættum ekki að skammast okkur fyrir það og reyna að breyta því, þannig að hún byrjaði að safna í sumar og join-aði svo hinar konunar sem eru á sömu skoðun, og hélt því til Frakklands þar sem hún unir vel við sitt og leggur stund á námi í hárgreiðslu.

Ahahaha þarna var ég fyndin, en oki ef einhverjir utanaðkomandi aðilar eru að lesa þetta blogg þá fór hún Snædís mín í tungumálaskóla og hótelvinnu í Frakklandi og Hildur sem au-pair til Englands, þær verða báðar í hálft ár og eru nýfarnar, og ég er strax byrjuð að sakna þeirra, luv u girlur:*

Ítalía:

Ferðin mín byrjaði þriðjudaginn 27. ágúst þegar ég átti flug til Reykjavíkur, stresskastið var vægast sagt hrikalegt, ekki fyrir viðkvæma, eins gott að hann Nonni minn er ekki viðkvæmur hehe, því þá ætti ég ekki lengur neinn kall, svo pirrandi var ég hehe úps...

En flugið suður gekk vel, þar tók hún Árný frænka á móti mér og keyrði mig svo í flugrútuna kl hálffimm (já mér tókst að vakna hehe) morguninn 28. ágúst. Síðan flaug ég til London, skipti þar um flugvöll og flaug svo þaðan til Treviso á Ítalíu (orðið frekar langt ferðalag á endanum). Á flugvellinum hitti ég Ítala í Lost in Iceland bol, spes hehe.

Mín yndislega ítalska fjölskylda tók síðan á móti mér og við fórum beint og fengum okkur alveg ekta ítalskan ís...mmmmmmm....og allt þetta langa ferðalag varð skyndilega algjörlega þess virði...

Síðan keyrðum við “heim” og ég hitti bræður mína og sætu feitu kisuna mína hana Emílú, ég vil halda því fram að hún hafi munað eftir mér...eftir að hafa sleikt hana allsvakalega upp og beðið hana um að fyrirgefa mér hina löngu fjarveru (það nægði að gefa henni að éta hehe) fór ég að sofa í gamla herberginu mínu, sem var alveg æðislegt, fyrir utan allar helv kóngulærnar og zanzara-flugurnar (sem eru svona stökkbreyttar mýflugur sem bíta, bíta og bíta) sem héldu partý fyrir mig, ég var alveg ótrúlega dónaleg og vanþakklát yfir þessu samkvæmi sem þær héldu fyrir mig og vildi bara fara að sofa, og var því bitin í tætlur (í alvöru, þær bitu meira segja fingurnar og tærnar, það var vont að labba það sem eftir var ferðarinnar)...og dó...(þær vita að ég sýni ofnæmisviðbrögð og bólgna svo mikið upp að ég lít út eins og...já...) eða nei kannski dó ég ekki alveg, en var nálægt því daginn eftir þegar ég vaknaði við sjálfa mig vera klóra löppina mína af, helvítis zanzara...ég ætla að halda auglýsingaherferð gegn þeim...þeim var nær..

Eftir þessar raunir fór ég til ömmunnar í mat, og þá lagaðist allt...”mamma mia” segi ég nú bara eins og ekta Ítali, góður en mikill matur, en æi, amman er svo góð, æðislegt að sjá hana aftur.

Næstu daga hafði ég mikinn tíma fyrir sjálfa mig þar sem foreldrarnir voru í vinnu og strákarnir eitthvað að bralla, ég reyndar lét vinna mig allsvakalega í Tekken, við Giulio tókum smá fortíðarflipp, en bara annað okkar hafði einhverju gleymt... Á daginn tók ég svo rúnt í bæinn á ömmulega hjólinu mínu með körfunni framan á, sem nýttist fyrir dótið sem ég keypti, sem var nú reyndar ekkert það mikið...en ég meina...einir skór...buxur...og já eitthvað meira...það var nú ekki hægt að koma alveg tómhent heim hehe...

Á kvöldin vann ég á hverfishátíðinni sem sjálfboðaliði, það var fín stemming og allir voða góðir við ljóshærða útlendinginn. Ég vann í eldhúsinu við að taka til pantanir á bakka, fékk miða með fullt af pöntunum og þurfti síðan að fara á milli staða til að ná í þær. Allir voru voða næs, nema konan sem sá um kjötið, eldri kona, algjör gribba og var alltaf pirruð ef ég bar ekki nöfnin á kjötinu nákvæmlega rétt fram...ég þoldi hana ekki...þangað til ég kom óvart inn á hana í skiptiherberginu vera setja á sig varalit og laga á sér hárið, henni brá, hún hafði ekki lengur kjötborðið til að skýla sér á bakvið heldur varð hún allt í einu mannleg, og sagði: “Ég er að fara að dansa, ég er búin að vinna og er að fara að dansa, mér og manninum mínum finnst það svo gaman, hann er að bíða eftir mér, við ætlum að dansa saman” ohhh hún bræddi mig algjörlega, krúttlegast í heimi, ég óskaði henni góðrar skemmtunar og eftir það fékk ég bros frá henni í hvert skipti ég mætti við kjötborðið:)

Ég vann þarna í þrjú kvöld, og varð áskrifandi að svona míní-drykk sem ég verð að gefa ykkur (um leið og þið komið heim kjútípæs), mjólk, sítrónuís og vodka (samt voða lítið, maður drekkur þetta út af bragðinu, ekki áhrifunum) blandað saman...sett í stórt skotglas og sötrað með röri...mmmm....

Ég vann ekki á lokakvöldi hátíðarinnar, heldur fór ég þangað sem gestur með Lauru fyrrverandi bekkjarsystur minni, það var fínt, röltum um og spjölluðum, hápunkturinn var svo flugeldasýningin, Laura fann einhverja vini sína en ég ákvað að nýta mér það að vera svona VIP (yeah) og fékk að horfa á flugeldasýninguna (sem var btw geeeeðveik) með staffinu, við fengum besta staðinn, hef aldrei séð flugelda svona nálægt, meira að segja rigningin gat ekki skemmt þetta....

Já veðrið var svona upp og niður alla ferðina, þegar ég kom var alveg ótrúlega heitt og mikill raki en svo fór að rigna (og alltaf sami brandarinn sagður, ég kom með vonda veðrið hehe) og þá meina ég rigna, þrumur og eldingar og alles sko, en það er samt alltaf smá upplifun líka.

Ég náði hins vegar pínu sól þegar ég og mamman fórum í sólarhringskonuferð í strandbæinn Caorle, reyndar var svo hvasst við sjóinn að það næsta sem við komumst ströndinni var að labba á henni, en sólin skein bjart í garðinum og því var sólbaðast þar, og auðvitað verslað smá tíhí...

Einn daginn kom systir mömmunar til Pordenone til að kaupa sér nýjan bíl, sá gamli var búinn að vera með vesen þannig að hún neyddist til að skipta. Við eltum hana á bílasöluna þar sem hún skildi þann gamla eftir, sá nýji var ekki til vegna pappírsvinnu þannig að hún kom til baka með okkur, hún veifaði bless í gamla bílinn sinn og við keyrðum á stað, svo allt í einu heyrðist: sniffsniff, mér finnst eins og ég sé að yfirgefa barnið mitt...og svo byrjaði táraflóðið...ég sé mig fyrir mér þegar hann Plútó minn deyr, úff það verður flóð hehe...

Síðan fór ég auðvitað að heimsækja hana Sösu mína í nokkra daga, voða skrýtið þegar við hittumst aftur á lestarstöðinni eftir rúmlega ársaðskilnað, það var eins og hún hefði bara farið í frí eða eitthvað, rosalega eðlilegt eitthvað að hanga með henni aftur. Var hjá henni og fjölskyldu hennar, sem eru æði, og ekki má gleyma litla sæta (hmmm...heimska) hundinum henni Lenu, sem át allt sem kjafti kom (þá meina ég allt, ég þurfti í alvöru að forða nærbuxunum mínum frá henni). En já dagarnir hjá Sösu voru æðislegir, við fórum að versla, í bíó, skoða Gardavatn og margt fleira. Það var alveg ótrúlega erfitt að kveðja, ég grenjaði svo mikið í lestinni að maðurinn sem sat á móti mér þorði ekki annað en að byrja að hugga mig og dreifa huganum mínum (hann endaði út um allt gólf ahahah) á endanum urðum við hinir mestu mátar og þá hætti ég að gráta.

Síðan kom ég heim til Pordenone, og þá tók við alveg gífurlegt stress, hvernig átti ég að koma öllu dótinu mínu heim?! (ég reyndar verslaði ekkert mikið en ferðataskan mín er svo þung þegar hún er bara tóm, og Ryan Air leyfir bara 15 kg, hvað er málið, hafa greinilega aldrei heyrt um Íslendinga, eða bara mig hehe...), en að lokum tókst það, en þá komu nágrannarnir í mat og hlóðu á mig fleiri gjöfum...úff, en ég hlóð bara öllu þungu í handfarangur (bara ein taska í handfarangur, arg) og endaði með að þurfa að borga 24 evrur í yfirvigt á ferðatöskunni, sem er svosem alveg ásættanlegt...

Og þá var komið að enn einni kveðjustundinni, finnst ég ekki hafa gert annað en að kveðju síðustu vikurnar, en að kveðja fjölskylduna mína var vægast sagt alls ekki létt, en flugvallargæslumennirnir sýndu engan grið, og létu hágrátandi Íslendinginn taka allt upp úr trooooðfullri og vel raðaðri handfarangurstöskunni sinni til að skoða, þannig að ég þurfti að byrja ferðalagið heim á því að komu öllu ofan í hana aftur, það tókst ekki...

Ferðalagið heim gekk ágætlega, þó var slatta mikið stress á Stansted þar sem rútuferðinni til Heathrow var aflýst, shit næsta rútuferð kæmi mér ekki þangað á réttum tíma, en allt er gott sem endar vel, þarna var par (hann franskur og hún ensk, búa í Ástralíu og voru á leiðinni til Hong Kong, talandi um að vera alþjóðleg hehe) sem var í sömu vandræðum og ég, við blæddum saman í taxa, 5000 kall á mann, sem var alltof mikið en við komumst þó á leiðarenda. Síðan flug til Íslands, gisti hjá Árnýju (takk æðislega fyrir allt skutlið!!!) og svo flug heim til Akureyrar snemma um morguninn, en Akureyri tók á móti mér með 0 gráðunum og snjókomu...en alltaf gott samt að koma heim, og knúsa alla:* Þessi ferð var alveg frábær og ég kom heim alveg ótrúlega hamingjusöm og endurnærð. Pottþétt ekki í síðasta skipti sem ég fer til Ítalíu óseiseinei, en þó hef ég á tilfinningunni að það muni líða þónokkur tími áður en næsta ferð verður farin, það er dýrt að lifa gott fólk...

Daginn eftir heimkomu tók við vinna, fullt af nýju starfsfólki, en gamla fólkið mitt var þó ennþá á sínum stað;)

Síðan byrjaði skólinn, bekkjarskiptingin sökkar, en svosem ágætt að vera byrjuð aftur, sá crewið mitt aftur en við getum samt voða lítið hist sem er ekki nógu gott, verðum að bæta úr því.

Væmni bloggsins: Á mánudaginn var hálft ár síðan við Nonni hittumst fyrst, tíminn líður dudes, en þetta er búið að vera alveg frábær tími, veturinn verður ekki eins einmanalegur núna þótt stelpurnar séu farnar. Nonni var alveg ótrúlega sætur og mætti til mín með rós, ógó sætt, takk fyrir það:* En fyrst þessi tími leið svona hratt hef ég ákveðið að næsta hálfa ár geri það líka, þannig að fyrr en varir verður tíminn kominn upp í ár, og þá verða stelpurnar líka komnar heim, þannig að þá verður alveg tóm gleði bara;)

Ok fokk þetta er orðið langt blogg...ef þú hefur klárað það allt þýðir það líklega að ég hef alveg þokkalegt vald yfir þér, mikið hlýtur þér að finnast ég skemmtileg, everybody in da house say: Heeeeyyyjó.....(og þá þið heeeyyyjó) everybody say heyhey...og þið...heyhey....hehe nei ok bæ í bili, og knús til þeirra sem ekki eru staddir hér á landi, ég treysti því að þið hafið hjálpað mér við að skapa stemmingu hjá trylltum lýðnum, allir að kommenta og segja: Yeeaahhh!!! ;)

Sleikjóbloggið, hversu mikið langar þig??? ;)

Sun, 06 May 2007 14:16:40 GMT

Jebbjebb hér er ég mætt aftur, ég nennti ekki að bíða eftir andanum, sjáum hvernig þetta gengur. Var líka að skipta um lúkk á síðunni, er þetta að gera sig? Ókosturinn við að vera jafn svakalega latur bloggari og undirrituð er sá að maður þarf að covera svo langan tíma í einu bloggi í staðinn fyrir mörg lítil...þannig að allir sem ná að klára þetta frá sleikjó og knús frá mér hehe;)

Fyrir utan það að allt bekkjarcrewið mitt fór til Parísar og skildi mig eina og yfirgefna eftir (cruel bastards), og að ég þurfti að lesa alla Sjálfstætt fólk frá A-Ö, var þetta bara fínasta páskafrí:) Letiligg og páskaeggjaát voru mjög ofarlega á must do listanum, held að ég hafi getað strikað yfir það eftir fríið með góðri samvisku hehe. Ekki var mikið um djamm þessa páskana, og tel ég það vera vegna elliglapa stúlknanna minna, en þær kusu heldur teppið og nammið heldur en glamúrlífið, hvað er að verða um ungt fólk á Íslandi í dag, ég bara spyr???8| Síðan ákváðu sjallamenn að 16 ára ball á páskadag væri ógó kúl, ég var því innilega ósammála og ákvað að drífa mig sem lengst í burtu frá þessum fávitum svo ég smitaðist nú ekki, og ekki dugði neitt annað en Húsavík hehe. Já, djamm á Húsavík sagði ég, fínt djamm og fínn félagskapur, tilbreytingin í hámarki hehe:)

Strax eftir páskafrí tók svo við afmælisdagurinn minn, jamm, 11. apríl, öll þjóðin fagnaði með mér, hef sjaldan séð jafn marga íslenska fána á lofti og þennan dag, róleg skiljiði, ekki klára allt fyrir 17. júní sko! Hehe nei en merkisdagur var þetta, mín gekk í hóp sem kallar sig því ofursvala nafni “The oldies”, við erum alltaf með fundi á miðvikudagskvöldum, því ég varð tvítug á miðvikudegi, þú mátt koma um leið og þú verður tvítug/ur, mættu nakinn....;) Hehe nei svona í alvöru þá var þetta bara fínasti dagur! :)Mætti kl 9 í heimspeki (ekki kúl) og knúsaði nýheimkomna Parísarfara og fékk allt slúðrið á milli hamingjuóskanna (allir öfunduðu mig ógó mikið því þau geta ekki ennþá mætt á miðvikudagsfundina). Kl 9:40 var skólinn búinn hjá mér þann daginn, ó já! Ég man ekki alveg hvað ég gerði þá, en allt sem ég gerði þann dag var náttla ofursvalt8), en allavega bakaði ég alveg helling oní vini og vandamenn. Um kvöldið fór ég síðan út að borða með hinum Pjattpíkunum, sem voru allar svona míní, nema ég og Íris. Fórum á Strikið, sem var fínt en ég held að Greifinn sé samt alveg málið næst...en þar kalla þjónarnir mann samt ekki elskuna sína, spurning hvort maður geti fórnað því hehe. Eftir matinn fórum við heim til mín í kökur og The holiday. Hún Valgerður bættist í hópinn, sem var æði því maður sér hana alltof sjaldan! Í ljós kom að nokkrar lumuðu á heavy slúðrum (víst er slúður til í fleirtölu) og var það heiðrað langt fram á kvöld. :D

Á laugardeginum hélt ég síðan svona míní fjölskylduboð, sem var mjög kózy og bara akkúrat eins og ég vildi hafa þaðJ En já, afmæli kallar víst á gjafir: Frá m&p fékk ég pening upp í Ítalíureisuna mína í sumar (sem enn er ekki komin dagsetning á) , frá ömmu og afa fékk ég sæng, frá bróður mínum The holiday, frá girlunum mínum bestustu (væmið, en satt;) ) fékk ég síðan rosalega flotta skartgripi, frá öðrum vinum og ættingjum fékk ég síðan Disney nærbuxur, armand, sparibauk (Martini money hehe), armband, gjafabréf í Apaco og blóm, ég þakka fyrir mig! :)

Við Pjattpíkurnar höfum verið misduglegar á að heiðra djammarann í okkur, en þó höfum við náð nokkrum stórgóðum djömmum saman....má þar nefna Sálardjamm sem kom bara þónokkuð mikið á óvart þar sem Sálin hefur hingað til ekki verið að gera sig sem ballhljómsveit. Svo nokkur djömm á Kaffi Ak, en þann stað höfum við bara nýlega uppgötvað, og þrátt fyrir nokkra galla eins og lítið dansgólf, ótraust fatahengi og Dj-a með repeat áráttu, þá höfum við átt þónokkur góð móment þarna inni, til að mynda er hún Hildur mjög hrifinn að gólfinu og hefur einsett sér að vera eins nálægt því og hún getur hehe;) Næsta djamm mun svo líklega vera Eurovision djamm, veit ekki hvar það verður, en ég sakna hans Palla míns samt allsvakalega þannig að það er eins gott að djammið innihaldi hann!

Fyrir tveim vikum var Pjattpíkubústaðarferðin sem beðið hafði verið eftir með óþreyju loksins farin! Hún var farin á The-evil-minds-place (ahahahah verður þessi einhvern tímann of gamall hehe??) Af því að við (hósthóstég) erum svo miklir vesenuzar var farið í tveim hollum, við Hildur tókum af skarið og byrjuðum. Eftir að hafa rúntað nokkrum sinnum á milli húsanna okkar fórum við að versla, sem gekk bara alveg ágætlega, Hildur, við erum kúl verslarar man. Síðan var lagt í hann, við týndum Illhugastöðum, en fundum þá að lokum. Pöntuðum okkur rúm og stálumst svo til þess að horfa á svölustu gelgjumynd alla tíma, Clueless, as if skiluru! Síðan komu hinar og matur var borinn á borð, video, pottur, spjall og letilapp. Farið var í Actonary, mitt lið vann (allt miðvikudagsfundunum að þakka sko), en má nefna hápunkta eins og smokkfisk og Bermúdarþríhyrninginn hehe;) Við Snædís og Hrefna lokuðum síðan helginni með feitum letidegi sem innihélt kaloríu-en vítamínsnauðan mat og Sex and the city, meðan Hulda og Hildur fóru í fermingar og vinnu, traitors... Svona leið helgin, í fögrum draumi og bleiku skýi, hehe nei ok en þessar ferðir eru samt alltaf jafn æðislegar. Verðum að halda hefðinni áfram þegar við verðum orðnar gamlar og gráar, jú nó æ lov jú gæs:*

Búin að vera að vinna alveg slatta, og vinnufólkið mitt er allt alveg að meika það hehe;) Valdís kom heim frá Indlandinu, alltaf gott að hitta hana, en hipp og kúl leikinn datt samt niður um hálft stig þegar hún ákvað að koma ekki aftur til okkar, en hey, once a Bókvalscrewari, always a Bókvalscrewari;) Helga Valborg er líka komin heim, á enn eftir að knúsa hana. Villinn sjálfur var kosinn formaður skólafélagsins, þú ert nýja Idolið mitt man, ég beygji mig undir vilja þinn, eða eitthvað þannig hehe;) Breytingar að fara af stað í vinnunni, á að snúa öllu við, verður skrýtið, en hlakka samt til sumarsinsJ

Já, sumarið btw, muniði hvað gerðist í fyrra, þegar maí og janúar svissuðu vöktunum sínum, shit hvað þeir voru teknir í gegn fyrir það maður....en greinilega ekki nóg, nú er hins vegar nóg komið, ég segi að við rekum maí fyrir að hafa enn einu sinni stungið af til Hawai og látið janúar sjá um veðrið á meðan, ég meina, er ekki allt í lagi heima hjá honum eða??!

Reyndar var apríl með þónokkra góða daga, sem voru notaðir í bæjarferðir og Kjarnaferðir, bara kúl sko;)

Í gærkvöldi fór allt bekkjarcrewið á Greifann, Ester og Bogga (og ekki má gleyma henni Gullu hehe) líka, sem var æðiJ Borðuðum dýrindismat, spjölluðum og slúðruðum og gaman gamanJ Takk fyrir kvöldið gellur, já og drottning hehe;)

The red-ant war er um það bil að hefjast, ég hef fengið alveg ágætisæfingu með kóngulónum inná baðherbergi, þannig að drápsfílingurinn er bara í góðu standi sko. Mun ég byrgja mig upp af teppalímbandi og kremju-post-it miðum á næstunni. Samt frekar leiðinlegt til lengdar að berjast við jafn heimska andstæðinga. Ég meina, í alvöru, eins og bara núna ha, þá eru þeir að senda njósnara á vettfang til að kanna aðstæður, ég skil náttla að þeir skuli senda einhverja sem mega missa sín, sem samt verða þeir nú að komast til baka með upplýsingarnar sko, da! En þar sem allir njósnararnir eru aumingjar hef ég getað útrýmt þeim öllum og hefur the-red-ant-army því engar upplýsingar um aðstæður hér á bæ, ég tel mig því standa ágætlega að vígi og er vel undirbúin undir komandi átök. I’ll keep you posted dudes;)

Ok, hef fullt í viðbót en það nennir held ég enginn að lesa meir, þannig að allir sem náðu hingað verða bara að láta vita af sér hér fyrir neðan og geta síðan vitjað sleikjóanna og knússins þegar þeim hentar, nema á miðvikudagskvöldum hehe....

Málsháttur dagsins, pældu í honum....Eva Dís ellismellur kveður;)

·Það er gömul lumma að heitar lummur seljist eins og heitar lummur.

I'm a big, big girl in a big, big world...

Wed, 11 Apr 2007 12:33:59 GMT

Tvítug í dag...the big túó, ó mæ god þrítugsaldurinn náði mér loksins....!8|

Anyways, fínn dagur, fór í einn tíma í dag og svo búið, ætla að fara baka kökur oní ykkur gríslingana:P

Tók stórt skref í dag og henti öllum snuddunum mínum, er samt að fá bakþanka, er þetta of snemmt??

Nýtt og lengra blogg væntanlegt;)

Held reyndar að teljarinn minn sé bilaður, en einhver hlýtur samt að koma hingað, afmæliskomment eru svo heartwarming;)

Sjáumst í kvöld litlu gelgjur;)

Kv. The big gelgja;)8)

Mikið gaman, mikið grín...;)

Wed, 14 Mar 2007 11:30:51 GMT

Jamm góðir hálsar, hér er ég mætt aftur, þetta blogg er ekki að gera sig, spurning um að hafa bara svona mánaðarlegar færslur eða eitthvað, kemur í ljós...En allavega, allt að gerast...mikið gaman mikið grín;)

Um daginn var Palli, það var sveitt ball skal ég segja ykkur. Troðið af fólki og vifturnar eiginlega hljóta bara að hafa verið bilaðar. En samt geðveikt gaman, hef samt ekkert slúður, langar í meira djamm.....

Um helgina var árshátíð Pennans fyrir sunnan, bara kúl sko;) Lagt var af stað suður um 6 leytið á föstudeginum með rútu. Alveg fínasta rútuferð með teiknimyndaþema, 3 myndir í einu höggi takk fyrir! Gerði reyndar þá uppgötvun að The wild er alveg svakalega mikið stolin, eiginlega bara samsuða af Madagascar, Ice Age og Lion King, samt alveg ágætis mynd sko. Sumir *hósthóstAddihóst* ákváðu að þeir væru orðnir alltof gamlir fyrir svona teiknimyndasukk og ákváðu að fara á Bakkussukk, minns var þægur, enda foreldrarnir með í för (pínu spes að vinna með pabba að því leyti að hann er með á vinnudjömmum). Þegar við komum suður var tékk-inn á Cabin, ég tók rúmið framyfir hommabarinn, enda, alveg sama hversu mikið ég reyni, aldrei mun ég verða hommi, svona er bara lífið...

Vakning snemma á laugardag og nýjar og breyttar Pennaverslanir skoðaðar, svona verður okkar búð þegar þetta ár er á enda með kaffihúsi og alles (er stefnan, ég held reyndar að framkvæmdum ljúki ekki fyrr en í fyrsta lagi 2009). En jamm allt saman voða flott og allt það, fórum svo í Saltfélagið og ég sýndi öllum nýju húsgögnin mín og síðan hélt ég fund þar sem ég tilkynnti öllum að ég væri nýbúin að kaupa fyrirtæki í Finnlandi og væri nú orðin Finni. Hehe nei en það var nú samt fundur með eiganda Pennans, fullt af sölutölum og læti, get ekki sagt að ég hafi skilið mikið í því. Einhver listaverk skoðuð, Ásta varð ástfangin, hún og gullstígvélin munu lifa hamingjusöm til æviloka, the end...

Síðan var tékk-inn á Hótel Sögu, Ísrael reddaði því. Við Ásta vorum saman í herbergi, haldið að það sé lúxusinn, hægt að hlusta á sjónvarpið í sturtunni og sonna. Snemma byrjaði tiltektin, og þar sem við vorum fyrir sunnan þá gat ég ekki mátað allan fataskápinn minn, það eina sem ég lét ákveða fyrir mig voru eyrnalokkarnir, stolt af mér ójá;) Síðan var málað og puntað, held að ég hafi stolið mestum hluta af meikdótinu hennar Ástu. Síðan var fordrykkur og læti, lööööng bið eftir vondum mat, humarsúpa, lifandi kjöt og möffins með hári í, ekki gott, en vegna hungur fór þó eitthvað niður í mallann. Ræður, pabbi sá átrúnaðargoðið sitt, hann Herbert Guðmundsson (dóttirin skammaðist sín smá hehe, samt skondið), fullt af myndum og ráp upp á herbergi í smá “kókómjólk”, dansað, geirfuglarnir ekki alveg að gera sig samt. Myndaflipp með Adda og Ástunum og meiri dans. Þegar þreytan fór að segja til sín ákváðum ég og Ásturnar að panta Dominos og slúðra, Addi ákvað að finna sér annan félagsskap, þá var nú gott að hafa slæðuna góðu daginn eftir hehe....

Daginn eftir vorum við rifin á fætur á mjög svo ókristilegum tíma, hárið mitt var álíka ókristilegt hehe...en eftir morgunmat var það bara rútan heim á leið, manni leið eins og maður væri í rússíbana, bilaðir demparar fattarðu, pínu spes. En jamm í heildina var þetta bara snilldarferð, algjört æði! 8)

Á mánudagskvöldið ákváðum við bekkjarcrewið svo að meika smá appírans á Plaza, gott pasta, mæli með því, mikið gaman mikið grín, slúður og læti, við Addi rifjuðum upp helgina, bara kúl, rúnturinn, mesta gelgjutónlist ever í græjunum. Gott kvöld, verðum að gera þetta aftur fljótlega! :)

Annað kvöld er síðan stefnan að fara út að borða með Pjattpíkunum mínum, stórt sakn to you guys, verður örugglega æði;)

Ratatoskur búinn, fór á nokkur námskeið og hestaferð. Grunur minn um að ég sé allsvakalega lappastutt var þar staðfestur, og að sjálfsögðu tókst minni að detta í drulluna, tókst ekki að halda kúlinu hehe. En allavega, þrátt fyrir smá byrjunarörðuleika með hestinn hann Þór var þetta mjög gaman:)

En jamm, brjálað að gera í skólanum, er að pæla í að fara að læra og ræktast síðan smá, nenni hvorugu arg...

Myndir koma inn fljótlega

Til að toppa gelgjuskapinn kemur quote úr Clueless:

Mel: What the hell is that? (referring to Cher's white, tight, and short outfit)
Cher: A dress.
Mel: Says who?
Cher: Calvin Klein.

Here it comes...

Fri, 16 Feb 2007 21:54:51 GMT

Vil byrja á því að láta alla aðdáendur mína vita að ég er alveg svakalega veik í dag, en engar áhyggjur...ég hef þetta af...held ég....

En jamm gott fólk....hmmm....nú kemur í ljós hversu gríðarlega aktívur bloggari ég hef verið....gleðilegt nýtt ár! Jamm, 2006 búið, farið....bless ár...2007 komið...held það verði töff ár. Allavega, jólin voru fín, bara vinna, vinna, matur, afslöppun og djamm.

Síðan tóku prófin við með allri sinni myglu og innisetu, en það borgaði sig, náði öllu dudes8)

Í janúarfríinu var unnið og síðan letilappast. Ákvað að breytast úr safnara í veiðimann og lagaði til í herberginu mínu, henti fullt af drasli, ossa stolt. Veiðimaðurinn entist í tvo daga, blessuð sé minning hans, síðan þurfti hann aftur að víkja fyrir safnaranum, those cruel bastards, en hey, ég reyndi þó. En nú hef ég ákveðið að gefa mig á vald safnaranum í bili, en til þess vantar mig allt draslið sem veiðimaðurinn henti, hafið samband ef þið eigið eitthvað til uppfyllingar, allt vel þegið...! ;)

Einnig tók ég þátt í stofnun nýs bakarís, nefnist það Goddes bakary og stendur sko algjörlega undir nafni skal ég segja ykkur... En þar sem fyrsti umgangurinn gekk svo vel ákváðum við að setjast í helgan stein um stund og njóta gróðans...þannig að ég vil vinsamlegast biðja ykkur um að hætta að hringja í okkur á næturnar....þið verðið látin vita þegar við byrjum aftur að taka við pöntunum....

Ný önn er byrjuð...fékk alveg fínustu stundatöflu...þetta er í fyrsta skipti sem ég eiginlega hlakka til annarinnar...fín fög sem ég er í....fyrir utan íslenskuna, bleh, en annars eru fög eins og sálfræði, uppeldisfræði og spendýr og fuglar bara fín sko...hver hefur ekki gaman að því að læra um meme með ullinni og öllu ha.... (og hey, svona ef þú varst að pæla í því, þá þreytist meme brandarinn aldrei! Deal with it!)

Búin að gera alveg kjarakaup síðustu vikurnar, nýju Victoria’s Secret flónnelsnáttfötin mín ylja mér í veikindum mínum....ekki er það sama hægt að segja um nýju stígvélin mín...en þau ylja mér bara um hjartaræturnar með því að vera svona töff....8)

Valentínusardagurinn búinn....kemst varla inní herbergið mitt fyrir öllum gjöfunum frá elskhugunum mínum 5....verst að þeir komu allir á sama tíma...og komust því að tilvist hvers annars....úff verð að skipuleggja þetta betur næst sko...þetta var frekar messí sko...kannski ég kíkki til þeirra uppá slysó svona þegar þeir hafa róast aðeins...:klikk:

Girlurnar mínar stungu af suður....eins gott að þær klári ekki allan djammkvótann sinn þar....heyriði það stúlkukindur...veriði nú þægar og geymiði smá handa mér....;)

Annars fórum við Íris á geðveikt djamm um daginn, takk fyrir það krútt;) Tók eitt líka öllu rólegra en samt alveg fínasta djamm með bekkjarcrewinu mínu um daginn...varð ástfangin, hann heitir Samúel...og er kisi híh:)

En jamm, hef voða lítið að segja, búin að mygla hér í tvo daga...ætla að reyna að fara í vinnuna á morgun og vera með í þessu AFS dæmi....þið megið samt alveg vorkenna mér smá sko....soldið mikið kannski....

Ætla að deila með ykkur smá leyndarmáli, en bara ef þið lofið að segja ekki neinum...lofarðu??? Uss nei í alvöru, ég meina þetta sko, verð að vita að ég geti treyst þér og að þú farir ekki að dreifa þessu út um allan bæ. Úff....veit samt ekki alveg hvernig ég á að segja þetta, þú verður að LOFA að segja engum! Ef þú gafst upp ert hætt(ur) að lesa áttu ekki skilið að fá að vita þetta. Hér kemur það: Það drepur engan að kommenta! Ekki einu sinni þá sem ég þekki ekki neitt....þeir kannski fá nokkrar skrámur...en ekkert alvarlegt samt sko...(mundu svo að þú lofaðir það þegja yfir þessu...or I have to kill u dude...)

Ciao;)

Pumba: "What's eatin' you kid?"
Timon: "Nothing, he's at the top of the food chain."

Snilldarblogg....teljið snilldirnar dudes...

Tue, 28 Nov 2006 11:18:11 GMT

Jæja....hvaða snilld á ég að segja ykkur í dag? Veit ekki hvað ég á að blogga um án þess að það verði vægast sagt innihaldslítil upptalning...hef í rauninni voða lítið að segja ykkur...höfum þema ok...snilld er þemað...og þetta þema er algjör snilld...! 8)

Pjattpíkubústaðarferðin er búin...mesta snilld sem til er...og það besta er...að snilldin heldur áfram...já gott fólk...vegna tóms heitapotts og brenglaðs hitunarsystems fengu

Pjattpíkurnar hf aðra helgi í Skógarseli...ætlum reyndar bara að vera í eina nótt...en sú nótt verður snilldin ein skal ég segja ykkur. Stefnan er að gera það sama og síðast held ég bara...nammi, nammi, Ally Mcbeal, pottur, Ally Mcbeal, slúður, nammi...Bernais....snilld!

Girlurnar mínar eru búnar að vera afskaplega latir djammarar....ég er búin að bæta það upp, þannig að meðaltalið er fínt...djamm er snilld. Capone er nýjasti staðurinn...deal with it! Bekkjarcrewið mitt er snilld...það kann að djamma mar.... En sakna ykkar girlur...Palli er málið dudes...hann er snillingur....þið eruð snillingar...ekki láta neina segja ykkur annað...þá eru þeir líka bara engin snilld...

Er snilldin orðin þreytt?? Jafnvel gelgjuleg???

Nihh held ekki....þetta er alveg helber snilld allt saman sko...

Á sunnudaginn gerðist ég snillingur í vinnunni...brenndi vísifingur hægri handar á ljótu og leiðinlegu snilldarplöstunarvélinni.8|..og klemmdi baugfingur vinstri handar á milli stólfóts og setu...með rassinn minn oná....það var ekki snilld....stykki fór úr puttanum8|...nú er ég með tvo putta með engum fingraförum...verð að finna uppá einhverri snilld sem aldrei verður hægt að rekja til mín því það er svo mikil snilld að hafa engin fingraför...:klikk:.

Er búin að búa pínu mikið í vinnunni minni...launaseðillinn minn verður því snilld J Slagur með jólapappírsrúllur og borðahnotur er snilld:haha:... kannski ekki eins mikil snilld ef yfirmaðurinn fer að skoða öruggismyndavélarnar....jólapappírs-kung-fu er kannski ekki mjög prófessjónal...en samt snilld....matarkostnaður meðan á vinnu stendur er ekki snilld...kannski nesti sé meiri snilld....en nennir maður því....leti er ekki snilld....

Um daginn var Morfís...það telst ekki með sem snilld....en það var nú samt snilld hvað sumir voru tapsárir...ekki það að ég sé sátt með úrslitin...en ég svaf nú samt vært engu að síður sko...

Mig vantar hádegisblundinn minn...hann er bæði bölvun og paradís...ávanabindandi andskoti....æ sorry...gleymdi þemanu....hádegisblundar eru snilld....

Þar sem ég mun ná tvítugsaldri eftir aðeins örfáa mánuði get ég varla talist unglingur lengur...en ég renndi mér samt í gegnum eina unglingabók á dögunum...lestrareintök fyrir starfsmenn bókabúða eru snilldin ein...bókin heitir Ég er ekki dramadrotting...mæli með henni...húmor en jafnframt drama....gott að taka sér smá pásu frá ljótu skólabókunum sem eru sko engin snilld....en þegar maður er komin yfir unglingagelgjuskeiðið eru unglingabækur orðnar heimsbókmenntir...pælið í því...svona var maður...er það snilld?

Árshátíðin er að koma...allt nema Jagúar er snilld....kjóll, skór, skartgripir...check....klipping og strípur í kvöld...ahhh...sniiild...8)

Jólin bara alveg að koma...þvílík og endemis snilld sem það er...svo koma áramótin...en hvernig verður 2007...ætli það verði snilld? Svindlaði smá og er byrjuð að hlusta á jólalög...skammdegið verður ekki eins svart með jólalögum...af hverju verður maður alltaf svo glaður um jólin? Hvað er það við jólin? Þegar maður er komin yfir þann aldur að allt snúist um pakka....af hverju verða jólin þá bara enn betri? Held að jólin séu snilld...en af hverju?

Komment eru snilld! Vertu snillingur...búðu til snilldarkomment og þá kemstu á snilldarlistann minn yfir snilldarkommentara....;)

Staðreynd í boði bókarinnar "Meiri fánýtur fróðleikur":

Í Menntaskólanum á Akureyri var brottrekstrarsök að sjá draug....

Þarf ég endilega að hafa titil?

Fri, 10 Nov 2006 13:42:50 GMT

Jamm og jæja....endurlífgunin heldur áfram....síðan mín var við það deyja aftur...en...svo kom ég...og bjargaði henni...oh...ég er svo mikil hetja... 8)

Anyways...ekkert krassandi búið að gerast sko...það er lægð í djamminu hjá okkur stúlkukindunum...fór samt á smá djamm með bekkjarcrewinu mínu um daginn...það var gaman...þau eru krútt;*

Leynilegi ástmaðurinn minn sem mataði mig á djammupplýsingum dömpaði mér um daginn...en hann gaf mér lítinn fugl sem mun framvegis hvísla very-classified djammupplýsingum í eyra mér...Það voru smá byrjunarörðuleikar hjá honum...hann sagði mér að Eðlurnar yrðu í Sjallanum um helgina...en í ljós kom að það verða bara skítbuxarnir í Skítamóral þar um helgina. Um næstu helgi megum við svo búast við að sjá hina fræknu Papa frá munkareglunni á Papey stíga á stokk og syngja fyrir okkur nokkur vel valin kristileg lög.

Ég er andlaus....ætla að fara á andapollinn...rofl...

Allt er búið að vera craaazy í skólanum um þessar mundir8|...próf, fyrirlestrar, ritgerðir...hjálpaðu mér upp....mér finnst ég ver’að drukkna....en...þetta gekk upp...held ég geti sagt hér og nú þótt önnin sé ekki búin, að ég sé alveg ágætlega mikið fallin í náttúrufræði en búin að ná sálfræði.

Fór suður um daginn á stefnumótunarfund AFS...Snæa hélt ég væri orðin svona desperate að ég væri að fara suður á blind date....hahaha...en nei...allt saman mjög málefnalegt en skemmtilegt

Eftir um það bil tvo tíma slepp ég úr gini ljónsins...sem er skólinn...og held á vit ævintýra og afslöppunar...sem er sem sagt bústaðarferð með stelpunum...sem verður alveg helber snilld eins og síðast...get ekki beðið...pottur, nammi, Despó, hmm...kókómjólk og...mmm get ekki beðið...ætti ég kannski að skrópa í sögu, láta mig hverfa og bara fara núna í þessa miklu för...??? Niii...vil ekki særa Róbert....

Pjattpíkuhittingar hafa verið nokkrir...þó ekki nógu margir... En við sukkuðum feitt um daginn og gerðum þessa líka svakalegu búkollupizzu saman...mmm...finn ennþá bragðið... Fundur var einnig haldinn um daginn til að plana þessa svaðilför sem farin verður um helgina...Mission hot tub....við hittum einnig börnin hennar Hildar...þvílíkir óþekktarangar...og standa vel undir nafni...en...eru nú samt algjör krútt...svona þegar þeir eru ekki að kúka á mann... En jamm...auk þess að eiga börn er hún Hildur orðin svona líka myndarleg húsmóðir... kræsingunum var raðað í mann...súkkulaðihjúpuð jarðaber, tartaletturéttir og ég veit ekki hvað...Hildur tekurðu að þér lærlinga??

Staðreynd: Á hverjum degi stunda 100 milljón manns kynlíf! (Hver og hvernig í andskotanum hefur þetta verið fundið út? “Uh, hello, I’m calling from Iceland, I work for Gallup. I was wondering...are you having sex now? You are? Ok...is it good? Uhhh...hello...hello...)

Er búin að setja inn nokkrar myndir frá annarri útlegunni í sumar og er að reyna að setja inn Búlgaríumyndir....tékkið neðst á síðuna;) Kannski ætti ég að fara að hlusta á hann Róbert...og horfa á hann dansa af innlifun við að lýsa betlimunkum...ó yeah...gaman að þessu....

Fátt smátt gerir lítið eitt eða ekki neitt.

Ja man...

Wed, 18 Oct 2006 16:03:21 GMT

Jamm...ég ákvað að hefja smá endurlífgunartilraunir....sjáum hvernig gengur...lít samt ekkert svakalega björtum augum á framtíð síðunnar minnar...en...hver veit...kannski sprettur hún svona líka sprelllifandi til lífsins...tíminn leiðir þetta allt saman í ljós...hehe ég get tuðað svona lengi lengi...og haft þetta um ekki neitt....gaman að þessu...ég á líka að vera að lesa Íslandsklukkuna núna...enn meira gaman að því...pfff...

Anyways...þetta verður meira svona yfirlitsblogg heldur en svona mín bloggtýpa þar sem ég er búin að kreista öll þannig blogg uppúr mér á Pjattpíkusíðunni og því ekkert nýtt að segja hér í bili...

Sumarið fór í að vinna, vinna aðeins meira, og já...vinna...túristarnir héldu okkur félagsskap...við Bókvalscrewið tókum upp á ýmsu saman, eins og videokvöld og kaffihús....ég fékk loksins skilning á línunni: Wow wow wow wow....this is not my batman glas!” og við Villi veðjuðum upp á trúlofunarhringa hvenær 10-11 opnaði, við töpuðum bæði, fengum okkur samt gjafaborðahringa, held samt að trúlofun okkar hafi fjarað út...blessuð sé minning hennar. Helga Valborg stakk síðan af til Bretlands og er víst að gera góða hluti þar með sæta hreimnum sínum....

Nokkur Pjattpíkudjömm læddust þarna inná milli...misskrautleg hehe...skandalar gerðir...kókómjólkin drukkin grimmt...sumir grimmar en aðrir um gömlu góðu Versló hehe (engin nöfn nefnd hehe). Almenn prúðmennska hefur gilt síðan þá...geislabaugarnir stækka og englahárið vex með hverjum deginum sem líður...

Sykurskert kókómjólk (og þá meina ég venjulega, ekki djammkókómjólk) kom á markað mér til mikillar gleði...

The second red-ant war gekk yfir í sumar...hart var barist og fólskubrögðum beitt á báða bóga...báðir fylkingarnar höfðu nokkuð til síns máls...en vetur konungur leysti málið með því að drepa öll helvítis kvikindin...þannig að það má í rauninni segja að ég hafi unnið...með smá hjálp...einnig vil ég flytja sérstakar þakkir til teppalímbandsins og post-it miðanna sem krömdu andstæðingana miskunnarlaust...

Pjattpíkuútilegurnar voru tvær þetta sumarið...þær voru báðar algjör snilld...best var þó að finna sokkana...

Búlgarían var sótt heim...við ákváðum þó að gerast ekki Búlgarar í framtíðinni...en gaman var það nú samt....fullt af glingri og gamni á Flower street, afalegir leigubílstjórar, Tyrkland, pirrandi djammgaurar, furðulegur skandívasískur DJ, MA lög, sundsprettur klukkan þrjú að nóttu og svo mætti lengi telja....Boten Anna var tvímælalaust lag ferðarinnar...

Óvissuferð Pennans var farin í september...það var fínt...boðhlaup, bátsigling og fleira í góðra vina hópi...

Fór á AFS sjálfboðaliðanámskeið fyrir stuttu síðan, það var geðveikt...barnið í manni var fundið aftur, hókípókí, nafnaleikir (mitt var chicken-wings) og AFS slúður...algeng setning var “Ha, ert þú í MH, ég líka!”...en annars bara frábært að kynnast nýju fólki...feitur bömmer í gangi núna því það verður farið í bústað 10-12 nóv....sem er sama helgin og Pjattpíkubústaðurinn...

Um síðustu helgi var djamm...það voru Paparnir... Reyndar var mottóið “beil” hjá flestum girlunum mínum, en við Íris létum það sko ekki á okkur fá...fórum heim til hennar og skemmtum okkur konunglega með mömmu hennar og Njalla...fengum nú samt að fá að vita fullmikið um ákveðið líffæri á ákveðnum manni sem barst í tal....hahaha þetta var nú samt fyndið...síðan voru það Papalapparnir...hittum hana Ólöfu (sem var æði;) )....ekkert merkilegt gerðist þó nema ég fékk að heyra um rauðan sundbol...og týndi rauðum eyrnalokki...ég var líka í rauðum bol...hmmm...rautt þema....ah...lélegur ok....

Get ekki ákveðið hvort ég eigi að fara suður um helgina eða ekki....úff....

Oki...nú er ég hætt...var bara svona rétt að koma mér í gang aftur hehe...en....ég vil fá komment...sé á teljaranum að ég fæ ennþá nokkrar heimsóknir á dag....þannig að...þótt ég þekki þig ekki neitt....vertu þá frjáls...vertu þú sjálfur...gerðu það sem þú vilt....og þú veist að þú vilt kommenta...láttu það eftir þér! ;)

pjattpikurnar.bloggar.is

Fri, 02 Jun 2006 16:32:47 GMT

Jamm...við Pjattpíkurnar erum komnar með nýja síðu... http://pjattpikurnar.bloggar.is ...og þar blogga ég8) Tékkið á því;)

Annars bara...ekkert að gerast...próf á fullu ennþá, hefur gengið alveg ágætlega svona hingað til, byrja svo að vinna á miðvikudaginn...Penninn er svalastur8)

Úff...farin að halda áfram að læra...saga og íslenska eftir...whish me luck8| ;)